Runni?

Hvað meinarðu með Runni?

Það hefur hægst all verulega á bloggfærslum hjá mér eftir að ég fékk vinnu. Ég gæti bloggað bara einu sinni í mánuði og samt bloggað oftar en Guðni!!!



Það fer fátt framhjá skötuhjúunum.
Við skruppum til Köpen í partý til Rannveigar, massastuð, mikið drukkið, gríðarleg þynnka daginn eftir.

Mér finnst gaman að gera tilraunir, stundum geri ég þær án þess að vita af því.
Ég er nefnilega búinn að komast að því að fólk vorkennir mér ef ég raka mig alveg. Þegar ég fór í atvinnuviðtalið á spítalanum ákvað ég að reyna að vera "hreinlegur" í framan þannig að ég rakaði allt skegg af mér. Undir leyndust tvær bólur og ég mundi af hverju ég hætti að raka af mér allt skeggið fyrir löngu. Önnur var fyrir neðan neðri vörina og hin á milli nefs og vara. Þessar tvær voru í simetrískri línu við þessa sem var á nefinu sem tengdist annari sem hafði tekið sér bólfestu á enninu.
Nú jæja, bólurnar breyttu því ekki að ég fékk vinnuna og þakkaði ég skeggleysinu náttúrulega fyrir þessa nýfundnu lukku mína. Að sjálfsögðu kepptist ég þá við að halda mér "hreinum" í framan næstu vikurnar og mér gekk fantavel í vinnunni, allir rosalega góðir og hjálpsamir.
Auðvitað gafst ég upp á að halda mér "hreinum" í framan og er núna kominn með kleinuhringinn aftur. Nánast um leið og ég hætti að raka mig breytist allt! Enginn nennir að hjálpa mér lengur og á á bara að vera búinn að læra allt um allt á þessum stutta tíma sem ég hef verið þarna. Fólk virðist líka treysta mér betur. Skil þetta ekki.
Til þess að geta kannski kallað þetta tilraun þyrfti ég væntanlega að raka mig aftur og athuga viðbrögð en því nenni ég náttúrulega ekki...



Auk þess að ég held að það fari mér bara betur að vera með smá skegg.