Tröppur eru tól djöfulsins.

Það fannst manninum allavega sem kom á bráðamóttökuna, snemma á laugardagskvöldið, eylítið ölvaður með gat á hausnum.

Ég var að vinna um helgina. Var reyndar að vinna mið. - sun..
Á meðan flest ykkar hafa kannski fengið ykkur mjöð af mörgum gerðum var ég að upplifa eftirfarandi:
Ég keyrði fullan kall með gat á hausnum niður í röntgen. Mikið blóð.
Ég var kallaður út í "hjartastopp" en þegar við komum var maðurinn eiginlega látinn. Þannig að ég og ein stelpa þurftum að fara niður í kjallara, finna stálborð, sækja manninn og keyra hann aftur niður í kjallara.
Ég hljóp með all nokkrar "akút" blóðprufur niður í greiningu.
Ég fór með öðrum yfir á geðdeildina og sótti gamla konu sem var víst búinn að meiða sig. Ég fattaði eftir mjög stutta stund að þetta var sama kona og ég hafði verið að keyra niður í röntgen um daginn, hún mundi ekki eftir mér...
Ég fór með litlan krakka í myndatöku af því að hann var búinn að æla út um allt á bráðamóttökunni. Held ég hafi aldrei séð svona mikið af ælu á einum og sama staðnum, rosalegt alveg hvernig allt þetta magn gat hafa komið úr þessari litlu písl.
Ég hélt í höndina á gamalli konu í lyftunni af því að hún er víst mjög hrædd í lyftum.
Ég fékk rigningu af blótsyrðum frá manneskju sem var nývöknuð eftir aðgerð. Inn á milli skildist mér að hún væri svona pisst off af því að hún var ekkert búinn að borða í 2 daga og ég var greinilega ekki að gera neitt í því, helvítis þorskhausinn sem ég væri...

..jæja, hvernig var helgin þín?

Ég veit bara að ég ætla að slappa af um næstu helgi.




Ef einhverjum langar að hafa samband við mig þá er líklega hægt að gera það í gegnum skype(siggaoggummi), msn(gmgmu@hotmail.com) eða gmail(gummi80@gmail.com). Svo skilst mér að það sé líka skaðlaust að skilja eftir eina eða tvær línur hérna fyrir neðan.