Shalom.

Daði átti afmæli á mánudaginn, pabbi átti afmæli í gær og Katrín átti afmæli á sunnudaginn. Ég er í Danmörku og af þessum þrem er Katrín þar líka. Meira að segja í sömu borg, tekur mig svona ca. korter að hjóla til hennar.
Af þessum þrem reyndist samt erfiðast að ná í Katrínu, endaði reyndar með því að ég náði bara ekkert í hana og hef ekki ennþá gert...magnað.

Ég er annars að verða of seinn í vinnuna en langði að posta hérna aðeins, aðalega með eitt í huga: Forvitni.
Ég er að drepast úr forvitni. Ég er nefnilega með svona sér síðu sem að aðeins ég kemst inn á. Þar sé ég nákvæmlega hvað koma margir hingað á dag og hvað þeir eru lengi og hvaðan þeir koma og hvert þeir fara. Það sem ég sé ekki er HVERJIR þetta eru. Ég er ekki að heimta að hver og einn sem kemur hingað kommenti eitthvað í hvert einasta skipti, stundum hefur maður bara ekkert að segja, en svona í þetta eina skipti - ef þeir sem leggja hingað sína leið og nenna kannski að renna yfir þetta þvaður sem að ég pikka hérna, myndu nenna að segja tja..."hæ" t.d.. Þarf ekki að vera lengra. Mig langar bara svolítið að vita HVERJIR þið eruð - call it my need to know.